Neriniartarfik Sarfalik

Sarfalik, Hotel Hans Egedemiittoq, neriniartarfimmi misigisamik nutaaliamik misigisaqarfissaavoq, kalaallit silarsuarmioqatigiillu igaffiinit pitsaanerpaanik sasaalliussaqarluni.

Sarfalik tassaavoq kalaallit oqaasiat, sarfartulimmut atsiussaq tamakkulu Kalaallit Nunaanni arlalippassuupput. Kalaallit Nunaanni tinittarnerata ulittarneratalu assigiinngissutaat 4-5 miiteriupput, sineriallu tamarmi kangerluppassuaqarpoq qeqertarpassuaqarlunilu, taakkulu ataatsimut katinnerini sarfat pilersinneqarnissaannut pitsaalluinnarlutik.

Nunap assiga isiginnaaraanni takuneqarsinnaavoq sumiluunniit ateq Sarfalik aallaavigalugu atsiunneqarsimasoq, amerlasuutigullu takuneqarsinnaavoq taassuma qanittuani illukoqartoq nunaqarfikoqartorluunniit, imalt. inuit tassaniissimanerinut nalunaarutaasunik takussutissaqartoq.

Sarfalik allatut oqaatigalugu tassaavoq nerisassaqarfissuaq, assigiinngitsunik piniarniarfiusinnaasoq, piniarneqarsinnaasut suuneri ukiup qanorilinera apeqqutaatillugu. Taamaattumik neriniartarfik Sarfalimmik atserparput, ukiup qanoq ilinera malittaralugu nerisassat sassaalliunneqartarmata.

Ammasarfiit

Ataasinngornermiit - arfiningornermut 18.00-22.00

Ataasinngornermiit-sapaammut (ulloqeqqarsiutit) 12.00-15.00

Denne hjemmeside anvender cookies til at sikre, at du får den bedste oplevelse på siden. Læs mere her

Ok