Takornarianut paasissutissat

Nuuk Nuup Kangerluata isaariaani inissisimavoq, imaani angaalaarnissanut nunamiluunniit pisunnissanut nuannersunut arlalissuarnut aallaaviulluni. Kangerluttaaq aamma tusaamasaavoq arfeqassutsiminut, qaammatinilu junimit november/decemberimut arfernik takornariarfiusinnaalluni.  Saniatigut aamma soorlu isfjordemut, nunaqarfikumut Qornumut, nunaqarfimmut Kapisilinnut aamma Kangermut /Håbets Ø-mut Hans Egede 1721-mi tikikkami nunasseqqaarfianut angalasoqarsinnaavoq.

Nuutoqqami katersugaasiveqarfiusumi arnat kalaallisuuliorlutik mersortut 'kittat'ni takuneqarsinnaapput, qajartortartut illuat qaanniorfiusoq imalt. Nunatta katersugaasivia allagaateqarfialu paarlagaattunik saqqummersitsisartoq, silarsuarmilu tusaamasanik Uummannap eqqaanit Qilakitsumit inuit panertunik katersugaatilik takusarneqarsinnaapput.

Aamma pulaaruk 'Kalaaliaraq' illoqarfiup aalisartuisa piniartuisalu pisaminnik tuniniaaffiat, puisinik, arfernik, aalisakkanik, timmissanik ukiup qanoq ilinera naapertorlugu...suluppaakkat, nipisat, saarulliit, eqaluit, eqaluit pujukkat, tuttut 

Kalaallit Nunaata rabarberia; kuanneq. Pisartunut ilaavoq ukiup qanorilinera apeqqutaatillugu qeritsitsivik pisanik ukiup taamaalinerani pisanik immertarlugu, ukiorlu naallugu piffimmi nerisassaateqartuartarluni.

Pisitsinernik, aliikkusersuinernik aaqqissuussanillu ataqatigiissaarineq

Hotelimiinnerup nalaani qulaani pisut taagorneqartut misigerusukkaanni, umiatsianik attartorlluni imalt. kultorikkut misigisaqarlluni Hotel Hans Egedep ataqatigiissaarsinnaavai. Kalaallit Nunaata aningaasarsiutigalugu isiginnaartitsisartutuai, Silamiut, Nuummiipput, tamaalillunilu periarfissaqarpoq immikkut aaqqissuussanik soorlu inngernermik, uaajeernermik erinarsornermilluunniit aaqqissuissalluni, attaveqarfik: booking@HHE.gl

Aamma takuuk:

Greenland Tourism, www.Greenland.com

Kommuneqarfik Sermersooq, www.sermersooq.gl

Sermitsiaq AG, www.Sermitsiaq.AG

Touring Greenland, www.touringgreenland.com

Denne hjemmeside anvender cookies til at sikre, at du får den bedste oplevelse på siden. Læs mere her

Ok